Bu İstifadəçi Razılaşması (bundan sonra — Razılaşma) "PET LİFE" MƏHDUD MƏSULİYYƏTLİ CƏMİYYƏTİ tərəfindən idarə olunan www.petlife.az saytından istifadə qaydalarını müəyyən edir və Saytdan istifadə edən şəxslərə şamil olunur.

1. Terminlər və anlayışlar

Şirkət — "PET LİFE" MƏHDUD MƏSULİYYƏTLİ CƏMİYYƏTİ.

Sayt — www.petlife.az internet platforması.

İstifadəçi — Sayta daxil olan və onun funksiyalarından istifadə edən fiziki şəxs.

Məhsul — Saytda təqdim edilən və sifariş üçün mövcud olan mallar.

Sifariş — İstifadəçi tərəfindən bir və ya bir neçə Məhsulun əldə edilməsi məqsədilə rəsmiləşdirilən elektron sorğu.

2. Ümumi şərtlər

2.1. Saytdan istifadə edən İstifadəçi bu Razılaşmanın şərtləri ilə tanış olduğunu və onları qəbul etdiyini təsdiq edir.

2.2. Razılaşmanın hər hansı müddəası ilə razılaşmayan şəxs Saytdan və onun xidmətlərindən istifadəni dayandırmalıdır.

2.3. Saytın müəyyən xidmətləri və funksiyaları üçün əlavə şərtlər tətbiq oluna bilər. Belə şərtlər müvafiq səhifələrdə ayrıca göstərilir.

3. Məhsullar və açıq oferta

3.1. Saytda Məhsullar, onların əsas xüsusiyyətləri, qiymətləri və mövcudluğu barədə məlumat yerləşdirilir.

3.2. Qanunvericiliyin tətbiq olunan tələblərinə uyğun olaraq, Saytda yerləşdirilən təkliflər açıq oferta xarakteri daşıya bilər.

3.3. Sifarişin rəsmiləşdirilməsi İstifadəçinin seçdiyi Məhsul və sifariş şərtləri ilə razı olduğunu təsdiq edir.

3.4. Şirkət Məhsulların assortimentini, qiymətlərini, mövcudluğunu və təklif şərtlərini qanunvericiliyin tələbləri nəzərə alınmaqla dəyişə bilər.

4. Qeydiyyat və şəxsi hesab

4.1. Saytın bəzi imkanlarından istifadə etmək üçün İstifadəçidən qeydiyyatdan keçmək və şəxsi hesab yaratmaq tələb oluna bilər.

4.2. İstifadəçi qeydiyyat və sifariş zamanı təqdim etdiyi məlumatların düzgünlüyünə, tamlığına və aktuallığına görə məsuliyyət daşıyır.

4.3. İstifadəçi hesabına giriş məlumatlarının məxfiliyini qorumağa və onları üçüncü şəxslərə verməməyə borcludur.

4.4. Razılaşmanın, qanunvericiliyin və ya Saytdan istifadə qaydalarının pozulması hallarında Şirkət hesabın fəaliyyətini məhdudlaşdıra və ya bloklaya bilər.

5. Sifariş və ödəniş

5.1. Sifarişlər Sayt vasitəsilə mövcud məhsullar arasından seçim edilməklə rəsmiləşdirilir.

5.2. Məhsulların qiymətləri Saytda Azərbaycan manatı ilə göstərilir.

5.3. Şirkət qiymətləri və kampaniya şərtlərini dəyişə bilər. Artıq rəsmiləşdirilmiş və təsdiqlənmiş sifarişlərə onların təsdiq edildiyi anda qüvvədə olan şərtlər tətbiq olunur.

5.4. Ödəniş Saytda göstərilən və sifarişin rəsmiləşdirilməsi zamanı İstifadəçiyə təqdim olunan ödəniş üsullarından biri ilə həyata keçirilir.

6. Çatdırılma, dəyişdirmə və qaytarma

6.1. Çatdırılma zonaları, müddətləri, qiymətləri və digər çatdırılma şərtləri Saytın müvafiq bölməsində ayrıca göstərilir.

6.2. Məhsulların dəyişdirilməsi və qaytarılması Azərbaycan Respublikasının qüvvədə olan qanunvericiliyinə və PetLife tərəfindən Saytda dərc edilmiş qaydalara uyğun həyata keçirilir.

6.3. Ayrı-ayrı məhsul kateqoriyaları üçün qanunvericiliklə qaytarma və dəyişdirmə məhdudiyyətləri nəzərdə tutula bilər.

7. Tərəflərin hüquq və öhdəlikləri

İstifadəçi öhdəsinə götürür:

01. Düzgün və aktual məlumat təqdim etməyi

02. Azərbaycan Respublikasının qanunvericiliyinə riayət etməyi

03. Saytdan qanunsuz, saxta və ya üçüncü şəxslərin hüquqlarını pozan məqsədlərlə istifadə etməməyi

04. Saytın normal fəaliyyətinə müdaxilə etməməyə və təhlükəsizlik mexanizmlərini pozmağa cəhd göstərməməyi

Şirkət hüququna malikdir:

01. Saytın dizaynını, funksiyalarını və strukturunu inkişaf etdirmək və dəyişdirmək

02. Texniki və profilaktik işlər zamanı Sayta girişi müvəqqəti məhdudlaşdırmaq

03. Təhlükəsizlik, qanunvericilik və ya Razılaşma tələblərinin pozulması hallarında müəyyən xidmətləri məhdudlaşdırmaq

04. Saytın düzgün və təhlükəsiz fəaliyyəti üçün zəruri texniki tədbirlər görmək

8. Əqli mülkiyyət

Saytda yerləşdirilən mətnlər, dizayn elementləri, qrafik materiallar, loqotiplər, fotoşəkillər, proqram elementləri və digər materiallar müvafiq hüquq sahibinin əqli mülkiyyət obyektləridir. Qanunvericiliklə icazə verilən hallar istisna olmaqla, bu materialların yazılı razılıq olmadan kommersiya məqsədilə kopyalanması, yayılması və ya istifadəsi qadağandır.

9. Məsuliyyətin məhdudlaşdırılması

Şirkət Saytın fasiləsiz və tamamilə xətasız işləməsini təmin etmək üçün ağlabatan tədbirlər görür. Bununla yanaşı, Şirkət özündən asılı olmayan aşağıdakı hallara görə qanunvericiliyin icazə verdiyi həddə məsuliyyət daşımaya bilər:

01. Rabitə, hostinq, internet və digər texniki sistemlərdə yaranan nasazlıqlar

02. Üçüncü tərəf xidmətlərinin hərəkətləri və ya fəaliyyətsizliyi

03. İstifadəçinin yanlış məlumat təqdim etməsi və ya Saytdan qaydalara zidd istifadə etməsi

04. Şirkətin nəzarətindən kənarda olan digər obyektiv hallar

10. Yekun müddəalar

10.1. Şirkət bu Razılaşmanı qanunvericiliyin tələbləri nəzərə alınmaqla yeniləyə və dəyişdirə bilər.

10.2. Razılaşmanın aktual versiyası www.petlife.az saytında yerləşdirilir və dərc edildiyi tarixdən qüvvəyə minir.

10.3. Bu Razılaşmadan irəli gələn məsələlər Azərbaycan Respublikasının qüvvədə olan qanunvericiliyi əsasında tənzimlənir.

PETLIFE İLƏ RAHAT VƏ ŞƏFFA FƏALİYYƏT

Saytdan istifadə etməzdən və sifariş verməzdən əvvəl bu şərtlərlə tanış olmağınızı tövsiyə edirik.